Lugar da Santiña
UNHA NOVA FORMA DE CREAR
Lugar da Santiña é unha empresa galega especializada na produción de produtos do mar autóctonos de Galicia. A particularidade que reside nesta compañía é o seu envasado e posterior exportación ao estranxeiro. Ademais, todo o proceso é manual. O resultado é unha cociña de alta gama baseada en receitas tradicionais das nosas augas.
Galería fotográfica de Lugar da Santiña, en Portas (Pontevedra). | Elaboración propia.
A súa actividade baséase na exportación de pratos xa elaborados coa máis moderna tecnoloxía a supermercados e restaurantes do estranxeiro. Así, transfórmanse as materias primas en produtos de calidade. Pode fornecer dende entrantes ata paellas, arroces ou pescados e todos estes produtos procedentes das rías pontevedresas, un selo de calidade puramente galego.
Á cabeza deste proxecto está o cociñeiro Paco Feixó, chef galego recoñecido alén das nosas fronteiras. Dende hai moitos anos, traballa cos mercados de abastos e lonxas da bisbarra do Salnés co obxectivo de crear pratos únicos onde a anémona, o ourizo de mar e o bocarte levan xa moitos anos sendo os seus principais protagonistas.
Paco Feixó: cambio de rumbo cara un novo propósito
Paco Feixó, cociñeiro de alta gama de produtos autóctonos galegos. | Elaboración propia.
Antes de dar este xiro á súa vida profesional, Paco Feixó era propietario de dous hoteis en Vilagarcía e Ourense, catro restaurantes, unha escola de hostalería e un servizo de catering. Nesta época, Feixó era considerado un pioneiro na cociña galega a nivel televisivo, chegando a ter un programa na TVG. Era denominado como o Arguiñano galego. Toda esta fama e recoñecemento fixeron que o nome de Paco Feixó soase en toda Galicia e noutras partes do mundo.
A VIDA DE PACO FEIXÓ
Descubre o cambio de rumbo na vida de Paco Feixó a través desta imaxe interactiva. | Elaboración propia.
No mundo da hostalería eran os clientes os que demandaban os seus servizos tomando a iniciativa. Todo isto supoñía unha demanda moi grande dos seus pratos. Porén, tomou unha decisión: establecer unha cociña central para poder determinar unha mesma liña gastronómica. No ano 2004, Paco Feixó decidiu reconducir a
súa vida familiar e pensou que facendo este tipo de industria podería ter unha vida máis cómoda cun horario máis flexible.
Esta decisión derivou na súa desaparición do ámbito mediático para centrarse no seu novo proxecto. Comezou cunha liña de quinta gama, que consiste nun procesamento da comida. Pratos elaborados e envasados en atmosfera modificada que lle garanten unha vida útil máis longa aos seus produtos para seren exportados. Unha vez chegan aos puntos de destino, as únicas tarefas pendentes son rexeneralos e servilos. Esta actividade é a máis descoñecida de tódolos traballos que ten desenvolvido até o de agora.
Produción e técnicas de Lugar da Santiña
A nova vida de Paco Feixó derivou nunha nova forma de ver a comida, nunha nova forma de crear. Ata o 2011, a súa produción era baseada nos produtos das rías de Pontevedra e Arousa e nos do Val do Umia e Ulla; porén, algo cambiou.
Este prestixioso cociñeiro deixou a un lado os produtos da terra e centrouse nos do mar. Destaca o bacallau a vizcaína e o arroz de marisco, cuxos mercados máis habituais eran Brasil, Bélxica e Países Baixos. Esta elaboración contiña ameixa, mexillón, gambas e lagostinos. Feixó sinala que unha das claves do negocio reside en saber adaptarse ás necesidades de cada país. Como cociñeiro, é preciso coñecer a culinaria dos lugares aos que se exporta para poder axustarse aos seus gustos e sabores mantendo a súa esencia galega. Por exemplo, no caso do arroz de marisco, non deberían engadirse cunchas ou cascas se está destinado a países do centro de Europa. Son lugares nos que os consumidores rexeitan estes alimentos. Asemade, o mexillón autóctono máis grande tan valorado en Galicia, non ten alí o recoñecemento que lle outorgamos na nosa terra.
Pese a darlle un cambio de perspectiva a súa cociña, Paco Feixó centrouse nuns produtos de quinta gama moi exóticos e descoñecidos, en Galicia. Os ourizos de mar, as anémonas e os bocartes convertéronse nos seus produtos estrela.
Nestes produtos utiliza técnicas únicas que fan que a conservación do produto que logo envasa teña unha duración de corenta e cinco días, un auténtico récord na conservación de produtos.
A través dun envasado de atmosfera modificada, a vida útil dos seus produtos é aumentada dunha forma moi considerable, pero isto
Descubre as especialidades que se fan en Lugar da Santiña a través desta imaxe interactiva. | Elaboración propia.
Os produtos que se crean e exportan en Lugar da Santiña son únicos e teñen uns procesos moi metódicos e disciplinados. Así nolo mostran cos ourizos de mar e as anémonas as mulleres que traballan nesta empresa, co obxectivo de sacar o mellor produto para o mundo.
Vídeo sobre a produción dos ourizos de mar e as anémonas. | Elaboración propia.
é aumentada dunha forma moi considerable, pero isto non é só polo envasado, senón que tamén polo proceso de produción que teñen estes produtos.
Baixo un silencio sepulcral interrompido pola música ambiente dunha radio a pilas as traballadoras de Lugar da Santiña, realizan un traballo único e moi pautado. Para os ourizos de mar, unha encárgase de sacar ás ovas do ourizo para que a continuación se limpen. Tras isto, póñense nos envasados que posteriormente pasarían pola máquina que engade a atmosfera modificada.
Para as anémonas é moito máis doado. Faríñanse, frítense, conxélanse para logo acabar nun envase que pase pola mesma técnica ca a anterior. Por outra parte o bocarte límpase, cocíñase e posteriormente envásase, sen embargo, ao non ser a súa época de recollida, non hai imaxes gráficas que o poidan demostrar.
Galería fotográfica da produción en Lugar da Santiña, Portas. | Elaboración propia.
Amosando a marca galega ao mundo
Lugar da Santiña amosa un lugar onde o bo traballo é o esencial para o éxito, pero sen embargo, ese é acadado nos lugares de fora do territorio español.
Paco Feixó buscou algo novo, que chamara, e quixo dalo a coñecer ao mundo. O xerente de Lugar da Santiña acertou. Deixou a un lado o mercado galego e español para ver máis aló, pero iso si: sempre con produtos autóctonos, do mar de orixe galega.
Así é como actualmente Lugar da Santiña vende o 98% dos seus produtos a Italia, Bélxica, Países Baixos, Luxemburgo e certas rexións de Alemaña. Aínda que agora os seus produtos non chegan a América do Sur, no pasado houbo épocas nas que exportaron tamén a Brasil, sobre todo bacallau. O produto que supón hoxe en día o maior volume de vendas é o bocarte en vinagre con aceite de oliva, que constitúe o 60% dos ingresos. En segundo lugar atópase o caviar de ourizo, cunha liña de produción máis reducida no tempo. Malia estar presente dende hai só dous anos e medio xa supón un 30% da actividade da empresa.
Outro cambio que se realizou nesa mesma época foi o feito de afastar os pratos de procesos térmicos da súa liña de produción por falta de rendemento. Agora a súa actividade céntrase exclusivamente no conxelado e no natural, evitando os pratos de preparación quentes e fugaces.
Así é como Paco Feixó pasou de ser un foco mediático nas cociñas galegas a desaparecer. A desaparecer para crear algo novo, do que ninguén pensaría que se podería facer. Agora ten éxito onde el quere telo. É feliz por todo o que lle sucedeu e espera seguir tendo "éxito en todo o que me propoña, pero sen esquecer a miña orixe".
Que fixo a Paco Feixó cambiar o rumbo da súa vida?
LUGAR DA SANTIÑA
Vídeo sobre a nova vida de Paco Feixó. | Elaboración propia.
MARISQUEO
PESCA
